Դեկտեմբերի 13-ին Արարատի մարզի Մասիս խոշորացված համայնքում ավագանու ընտրություններին համայնքի ղեկավարի թեկնածու կառաջադրվի ՆԳՆ Միգրացիայի և քաղաքացիության ծառայության Մասիսի անձնագրային բաժնի պետ, Մասիսի նախկին քաղաքապետ Սաշա Հակոբյանի որդին՝ Հովհաննես Հակոբյանը: Այս մասին Aysor.am-ը տեղեկացել է նրա ֆեյսբուքյան էջից:
Նշենք, որ Մասիսի գործող քաղաքապետը Նորայր Հակոբյանն է, նա նախորդ տարի էր «Դավիթ Համբարձումյան դաշինք»-ից համայնքապետի պաշտոնում ընտրվել: Մինչ այդ, Հակոբյանը համայնքի ղեկավարի առաջին տեղակալն էր:
Հիշեցնենք, որ 2025 թվականի հոկտեմբերի 23-ին Մասիս համայնքի նախկին ղեկավար Դավիթ Համբարձումյանը դատապարտվել էր 6 տարի և 3 ամիս ազատազրկման: Նա մեղադրվում է «զանգվածային անկարգություններ կազմակերպելու» և «ցուցարարների դեմ հրազեն օգտագործելու» մեջ։
Դատավճռի հրապարակման պահին Համբարձումյանն աշխատանքային այցով գտնվում էր Մոսկվայում։ Հոկտեմբերի 28-ին Հայաստան ժամանելուն պես կալանավորվել էր։
Համբարձումյանը ՀՀԿ խորհրդի անդամ է, 2025 թվականի հունիսի 7-ին «Ես պատիվ ունեմ» խորհրդարանական խմբակցությունը նրան առաջադրել է որպես վարչապետի թեկնածու՝ ՀՀ վարչապետ Նիկոլ Փաշինյանի իմպիչմենտի գործընթացի շրջանակում։
Վերջերս էլ հայտնի դարձավ, որ գործող համայնքապետ Նորայր Հակոբյանը նախկին քաղաքապետ Դավիթ Համբարձումյանին խորհրդական է նշանակել:
Հեղինակ
