Եվրամիությունը պնդում է, որ Իրանի շուրջ ընթացող հակամարտությունը պետք է կարգավորվի բացառապես դիվանագիտական ճանապարհով։ Այս մասին ՄԱԿ-ի Գլխավոր ասամբլեայի շրջանակում Իրանի նախագահ Մասուդ Փեզեշքիանի հետ հանդիպումից հետո հայտարարել է Եվրոպական խորհրդի նախագահ Անտոնիու Կոշտան։
«ԵՄ-ն պատրաստ է աջակցել գործադրվող բոլոր դիվանագիտական ջանքերին», — X-ի իր էջում գրել է Կոշտան։
Իրանի նախագահի հետ զրույցը նա որակել է որպես «անհամեմատ բաց և բովանդակալից»։
«Ընդգծեցի, որ երկխոսությունն ալտերնատիվ չունի․ դա հակամարտությունները լուծելու և տարածաշրջանում կայուն խաղաղություն հաստատելու միակ ուղին է», — նշել է Եվրոպական խորհրդի ղեկավարը։
Նա նաև կոչ է արել լիովին վերականգնել ազատ նավարկությունը Հորմուզի նեղուցում, իսկ Թեհրանին հորդորել է վերսկսել ԱԷՄԳ-ի հետ լիարժեք համագործակցությունը ։
