ՌԴ ԱԳՆ-ն Ռուսաստանի քաղաքացիներին խստորեն խորհուրդ է տալիս ձեռնպահ մնալ Գերմանիա մեկնելուց, եթե դրանում բացարձակ անհրաժեշտություն չկա, ասվում է արտաքին քաղաքական գերատեսչության հայտարարության մեջ։
Ըստ հայտարարության՝ «Գերմանիայի Դաշնային Հանրապետությունում շարունակում են գրանցվել պետական պաշտոնյաների «պատժամիջոցների ցանկում ընդգրկված ապրանքների» տեղափոխման վերաբերյալ ԵՄ սահմանափակումները պահպանելու պատրվակով Ռուսաստանի քաղաքացիների և հայրենակիցների նկատմամբ անհիմն հետապնդման կոպիտ դեպքերը»։
«Գերմանիայից արտահանման արգելքը տարածվում է նաև «պատժամիջոցների» ցանկում ներառված անձնական իրերի վրա, որոնք ձեռք են բերվել անձնական օգտագործման կամ որպես նվեր՝ մեկ օրինակով։
Նման իրեր հայտնաբերվելու դեպքում մաքսային ծառայողները կարող են առգրավել և արգելանք դնել դրանց վրա, կազմել արձանագրություն և նյութերն ուղարկել իրավասու մարմիններին՝ պատժամիջոցների (ներառյալ քրեական պատասխանատվության) վերաբերյալ որոշում ընդունելու համար։ Ուշադրություն է դարձվում ապրանքների ծագմանը, դրանց արժեքին, արտահանման հանգամանքներին և պատժամիջոցներից խուսափելու հնարավոր նշաններին։ Գերմանացի պաշտոնյաները հաճախ անքաղաքավարի են վարվում և կոպտորեն՝ անպարկեշտ ձևով մեկնաբանում են պատժամիջոցների կանոնակարգերը։
Գերմանիան փաստացի «կամայականության տարածք» է դարձել Ռուսաստանի քաղաքացիների համար։ Պատժամիջոցների խախտման դեպքերը օբյեկտիվորեն և համապարփակ չեն քննարկվում։
Գերմանիայում Ռուսաստանի դեսպանատան և Բոննում Ռուսաստանի գլխավոր հյուպատոսության կողմից կալանավորման և բռնագրավման վերաբերյալ հարցումներն անտեսվում են»,- ասվում է Ռուսաստանի ԱԳՆ հայտարարության մեջ։
Զգուշացում Գերմանիայի Դաշնային Հանրապետություն ուղևորություններ ծրագրող Ռուսաստանի քաղաքացիների համար. ՌԴ արտաքին գործերի նախարարություն։
