Միացյալ Նահանգներ-Ռուսաստան-Ուկրաինա՝ այս շաբաթ նախատեսված եռակողմ հանդիպումը հետաձգվել է մինչև հաջորդ շաբաթ:
Այս մասին հայտարարել է ԱՄՆ նախագահի հատուկ բանագնաց Սթիվ Ուիտքոֆը։
«Այս շաբաթ նախատեսված էր եռակողմ հանդիպում։ Կարծում եմ, որ հանդիպումը տեղափոխել են հաջորդ շաբաթ, ինչ-որ օր»,- ասել է նա:
Ուիտքոֆն ընդգծել է, որ պաշտոնական Վաշինգտոնը պահպանում է ուկրաինական ճգնաժամի կարգավորման հեռանկարների վերաբերյալ դրական տրամադրվածությունը։ Նրա գնահատմամբ՝ կարգավորման առումով իրավիճակը գտնվում է բեկման կետում կամ այդ կետի մոտ։
