1972 թվականից ի վեր առաջին անգամ Ռուսաստանը (նախկին ԽՍՀՄ) և Միացյալ Նահանգները ռազմավարական միջուկային ուժերը սահմանափակող պայմանագիր չունեն, սոցիալական ցանցերում գրել է Ռուսաստանի Անվտանգության խորհրդի փոխնախագահ և ՌԴ նախկին նախագահ Դմիտրի Մեդվեդևը։
«Ահա և վերջ։ 1972 թվականից ի վեր առաջին անգամ Ռուսաստանը (նախկին ԽՍՀՄ) և Միացյալ Նահանգները ռազմավարական միջուկային ուժերը սահմանափակող պայմանագիր չունեն»,- նշել է նա և թվարկելով տասնամյակների ընթացքում Ռուսաստանի (նախկին ԽՍՀՄ) և Միացյալ Նահանգների միջև (1972, 1991, 1993, 2010 թվականներին) կնքված պայմանագրերը, շեշտել է, որ դրանք բոլորն արդեն անցյալում են։
