Շապել Ռոանը 2026 թվականի Գրեմմիի կարմիր գորգին ներկայացել է իր մինչ օրս ամենահամարձակ կերպարով։ Երգչուհին կրում էր թափանցիկ բորդո Mugler զգեստ, որը ամրացված էր ադամանդե քարերով զարդարված պիրսինգներով։
Նա կերպարը լրացրել է ժամանակավոր դաջվածքների առատությամբ։ Նրա կրծքին նկարված էր պոնի՝ հավանաբար հղում նրա «Pink Pony Club» հիթին, իսկ մեջքը զարդարված էր մեծ ժանյակե դաջվածքով։
Ռոանը աչքի է ընկել՝ ընտրելով երկար, հոսող զգեստ՝ խորը դեկոլտեով և երկար թևքերով, որը կրում էր մարմնագույն բոդիի վրայից։ Շատերն արդեն այս կերպարը անվանում են նրա կարիերայի ամենապրովոկացիոնը։
Արարողության համար երգչուհին իր կարմիր մազերը հարդարել էր մեղմ գանգուրներով և ձկան պոչ հյուսերով, իսկ աքսեսուարները լրացրել էր շքեղ Buccellati չոկերով և դեղին ոսկե ականջօղերով։
Շապելը խուսափել է իր սովորական դրամատիկ դիմահարդարումից՝ ընտրելով ավելի նուրբ կերպար՝ թևավոր աչքի մատիտ, արծաթագույն ստվերաներկ և տիկնիկի նման կարմրություն։
«Hot to Go» երգչուհին այս տարի առաջադրվել է երկու մրցանակի՝ «Տարվա ձայնագրություն» և «Լավագույն փոփ սոլո կատարում» անվանակարգերում, երկուսն էլ՝ «The Subway»-ի համար։
Հիշեցնենք, որ անցյալ տարի Շապել Ռոանը «Գրեմմի» մրցանակաբաշխության ժամանակ արժանացել է «Լավագույն նոր արտիստ» անվանակարգին։ Այս տարի նա նաև վարել է մրցանակաբաշխությունը՝ մրցանակը հանձնելով Օլիվիա Դինին։ Այդ առիթով երգչուհին իր բաց հանդերձանքը փոխարինել է ավելի բաց հանդերձանքով՝ աշուն/ձմեռ 2007 հավաքածուի Rodarte օդային զգեստով։ Ռոանի կերպարն արդեն անվանվել է 2026 թվականի «Գրեմմի»-ի ամենաքննարկվող և համարձակ նորաձև կերպարներից մեկը։
