ԱՄՆ նախագահ Դոնալդ Թրամփը սպառնացել է «մեծ քանակությամբ» գումարներ պահանջել «Գրեմմի» մրցանակաբաշխության «անհեթեթ և անտաղանդ» հաղորդավար Թրևոր Նոայից՝ հայտնի ֆինանսիստ Ջեֆրի Էպշտեյնի հետ նրա ենթադրյալ կապի համար։
Երգչուհի Բիլլի Այլիշի մրցանակաբաշխության արարողության ժամանակ հաղորդավարը կատակել է, որ «Գրեմմի»-ն այն մրցանակն է, որը յուրաքանչյուր արտիստ ցանկանում է, «գրեթե այնքան, որքան Թրամփը ցանկանում է Գրենլանդիան», քանի որ Էփշտեյնի մահից հետո «նրան նոր կղզի է պետք Բիլ Քլինթոնի հետ ժամանակ անցկացնելու համար»։
«Նոան լիակատար անհաջողակ է, որն ավելի լավ է ճշգրտի փաստերը և արագ հավաքի դրանք։ Թվում է, թե ես ստիպված եմ լինելու ուղարկել իմ փաստաբաններին և դատի տալ այս խեղճ, ողորմելի, անտաղանդ, հիմար հաղորդավարին՝ հսկայական գումարների համար… Պատրաստվիր, Նոա, ես քեզ հետ մի քիչ զվարճանալու եմ», — գրել է Թրամփը Truth Social-ում։
Նա նաև կարծիք է հայտնել, որ Գրեմմի մրցանակաբաշխության արարողությունը «գրեթե անհնար է դիտել»։
2019 թվականին Էփշտեյնին Միացյալ Նահանգներում մեղադրանք է առաջադրվել անչափահասների սեռական շահագործման և այս հանցագործությունը կատարելու նպատակով դավադրության մեջ՝ սպառնալով ավելի քան 40 տարվա ազատազրկման։ 2019 թվականի հուլիսի վերջին հաղորդվել է, որ Էպշտեյնին «կիսագիտակից» վիճակում գտել են իր բանտախցում և հետագայում նա մահացել է։ Հետաքննությունը պարզել է, որ նա ինքնասպան է եղել։
