Ոսկու գինը շարունակում է կտրուկ բարձրանալ՝ հասնելով վերջերս գրանցված ամենաբարձր ցուցանիշին, գերազանցելով մեկ տրոյական ունցիայի համար 5 400 դոլարը, տեղեկացրել է Reuters-ը։
Երեքշաբթի օրվա աչուրդների ժամանակ ոսկու սփոտ գինը բարձրացել է մոտ 2 տոկոսով՝ հասնելով մեկ ունցիայի համար 5,511.79 դոլարի, նախկինում 5,591.61 դոլարի ռեկորդային բարձր ցուցանիշի հասնելուց հետո։ Այսպիսով, թանկարժեք մետաղը շարունակել է ռեկորդային միտումը շազմաթիվ շաբաթների ընթացքում։
Վերլուծաբանները գնի աճը բացատրում են պաշտպանված ակտիվների նկատմամբ պահանջարկի աճով՝ գլոբալ տնտեսական եւ աշխարհաքաղաքական անորոշության պայմաններում։ Հիմնական գործոններից են պետական պարտքի աճը, լարված միջազգային միջավայրը եւ մի քանի առաջատար երկրներում տնտեսական քաղաքականության ուղղության վերաբերյալ մտահոգությունները։
Կենտրոնական բանկերը, որոնք շարունակում են կուտակել իրենց պահուստները, ինչպես նաեւ խոշոր ինստիտուցիոնալ ներդրողները լրացուցիչ աջակցություն են ցուցաբերում ոսկու շուկային։ Շուկայի մասնակիցները նշել են, որ ոսկու նկատմամբ հետաքրքրությունը մնում է կայուն բարձր՝ չնայած գների ռեկորդային մակարդակներին։
Այլ թանկարժեք մետաղների շուկաները նույնպես աճ են գրանցել։ Մասնավորապես, արծաթը մոտեցել է մեկ ունցիայի համար 120 դոլարի, պլատինը նույնպես ռեկորդային բարձր մակարդակներ է գրանցում։ Մասնագետները նշել են, որ եթե ներկայիս գլոբալ ռիսկերը եւ առաջատար կենտրոնական բանկերի մեղմ դրամավարկային քաղաքականությունը շարունակվեն, ոսկու գները կարող են բարձր մնալ։
