Բաց տվյալների և ՄԱԿ Comtrade հարթակի տվյալների հիման վրա՝ Հայաստանը Ռուսաստան փրփրուն գինիների առաջատար հինգ մատակարարների շարքում է, վկայում են «ՌԻԱ Նովոստիի» հաշվարկները։
Իտալիան 2025թ․ առաջին ինը ամիսների ընթացքում մնացել է Ռուսաստան փրփրուն գինիների առաջատար մատակարարը, մինչդեռ Ֆրանսիան վերադարձել է առաջատար հնգյակ։
Իտալիան գլխավորում է Ռուսաստան փրփրուն գինիների առաջատար 10 մատակարարների ցանկը՝ անցյալ տարվա առաջին ինը ամիսներին 93.6 միլիոն դոլարով։ Նախորդ տարվա համեմատ առաքումները նվազել են 7 տոկոսով։ Լատվիան՝ գրեթե 61 միլիոն դոլարով (-6 տոկոս), և Լեհաստանը՝ 9.6 միլիոն դոլարով (-24 տոկոս), զբաղեցնում են երկրորդ և երրորդ տեղերը՝ նույնը, ինչ եւ նախորդ տարի։
Ֆրանսիան զբաղեցրել է չորրորդ տեղը՝ 8.2 միլիոն դոլար առաքումներով։ Տարվա ընթացքում այն իր առաքումները մեծացրել է 8.2 անգամ և 2022-ից առաջին անգամ վերադարձել է Ռուսաստան փրփրուն գինիների առաջատար հինգ մատակարարների շարքը։ Հայաստանը զբաղեցրել է հինգերորդ տեղը՝ մեկ տարվա ընթացքում Ռուսաստան արտահանելով 4.2 միլիոն դոլար արժողությամբ փրփրուն գինի՝ գրեթե կրկնակի ավելի, քան նախորդ տարի։ Բացի այդ, Ռուսաստանը փրփրուն գինի գնած առաջին 10 երկրների շարքում էին Իսպանիան (մոտ 3 միլիոն դոլար), Լիտվան (2.7 միլիոն դոլար), Պորտուգալիան (2.5 միլիոն դոլար), Վրաստանը (1.3 միլիոն դոլար) և Գերմանիան (836 հազար դոլար):
