ԱՄՆ պաշտոնյաները հույս են հայտնել, որ կիրակի օրը Ֆլորիդայում կայանալիք ԱՄՆ-ի և Ուկրաինայի նախագահներ Դոնալդ Թրամփի և Վլադիմիր Զելենսկու հանդիպումն արդյունավետ կլինի՝ ԱՄՆ-ի և Ուկրաինայի բանակցողների կողմից մեկ շաբաթ տևած ինտենսիվ ջանքերից հետո, հայտնում է CNN-ը:
Թեև պաշտոնյաները չեն նշել հանդիպման կոնկրետ նպատակը, Զելենսկին ուրբաթ օրը Axios պարբերականին հայտնել է, որ կցանկանար շրջանակային համաձայնագիր կնքել պատերազմի դադարեցման վերաբերյալ:
Ամերիկացի և եվրոպացի պաշտոնյաների փոխանցմամբ՝ կիրակի օրը կայանալիք հանդիպմանը եվրոպական առաջնորդների մասնակցություն չի սպասվում: Եվրոպացի պաշտոնյաները նաև նշել են, որ ուկրաինացիները ամիսներ շարունակ փորձել են հասնել Զելենսկու և Թրամփի հանդիպմանը:
Եվրոպացիները դրական հանդիպում են ակնկալում, քանի որ ԱՄՆ-ի և Ուկրաինայի միջև հարաբերությունների ներկայիս դինամիկան բնութագրում են որպես արդյունավետ: Այդուհանդերձ, նրանք խոստովանում են, որ Թրամփի հետ ցանկացած հանդիպման ելքն անկանխատեսելի է:
«Թրամփի դեպքում ցածր ռիսկայնությամբ սցենարներ չեն լինում», — ասել է ՆԱՏՕ-ի պաշտոնյաներից մեկը
