ԱՄՆ Ներկայացուցիչների պալատի անդամների մեծամասնությունը դեմ է քվեարկել Վենեսուելայի դեմ մարտական գործողություններում ամերիկյան զինված ուժերի օգտագործումը սահմանափակող բանաձևին՝ առանց Կոնգրեսի հաստատման, հաղորդում է ТАСС-ը։
Բանաձևին կողմ է քվեարկել 211 կոնգրեսական, իսկ դեմ՝ 213 օրենսդիր։
Փաստաթղթի տեքստի համաձայն՝ ԱՄՆ նախագահը պետք է կանխի զինված ուժերի օգտագործումը Վենեսուելայում կամ նրա դեմ մարտական գործողություններում՝ առանց Կոնգրեսի համապատասխան թույլտվության։
Փաստաթուղթը ներկայացվել է որպես այսպես կոչված համաձայնեցված բանաձև։ Նման ակտերն ընդունվում են առանձին Կոնգրեսի յուրաքանչյուր պալատում, չունեն իրավական ուժ և խորհրդատվական բնույթ ունեն։ Այսպիսով, օրենսդիրներն արտահայտում են իրենց դիրքորոշումը տվյալ հարցի վերաբերյալ, և գործադիր իշխանությունն իրավունք ունի անտեսել նման փաստաթղթերը։
