Ադրբեջանի ԱԳ նախարար Ջեյհուն Բայրամովը iTV-ի պատմել է այն առաջարկի մասին, որն արել է Ռուսաստանի ԱԳ նախարար Սերգեյ Լավրովը եռակողմ 2020թ. նոյեմբերի 9-ի հայտարարության ստորագրումից առաջ վերջին հանդիպումներից մեկի ժամանակ: Այս մասին փոխանցում են ադրբեջանական լրատվամիջոցները:
Բայրամովի խոսքով՝ Լավրովը ներկայացրել է մի կարճ փաստաթուղթ, որից ելնելով կողմերին առաջարկվել է առանց որևէ պայմանի և առանց նախկին ԼՂԻՄ-ից դուրս գտնվող այլ շրջանների «օկուպացիայից» ազատելու զինադադար հաստատել 2020 թվականի նոյեմբերի 9-ից:
Ընդ որում, շփման գծի արևելյան հատվածում առաջարկվում էր տեղակայել ռուս խաղաղապահներ և Ադրբեջանի ԶՈւ, իսկ շփման գծի արևմտյան հատվածում՝ ռուս խաղաղապահներ և Հայաստանի ԶՈւ:
Ինչպես հասկանում ենք, Ադրբեջանը մերժել է այս առաջարկը։
