ՔՊ–ի ներկայացուցիչները կողմ են քվեարկել բանաձևին, որտեղ Վրաստանի իշխող ուժն անվանվել է «ինքնահռչակ». Վարդանյան

Փաստորեն, ինքնիշխանության անվան տակ իշխող ուժի ներկայացուցիչները Եվրանեսթի շրջանակներում կողմ են քվեարկել հակավրացական բանաձևին, որտեղ Վրաստանի իշխող ուժն անվանվել է «ինքնահռչակ»: Այս մասին իր էջում գրել է «Հայաստան» խմբակցության պատգամավոր Քրիստինե Վարդանյանը։

Նա, մասնավորապես, նշել է. «Սա է այս մարդկանց քաղաքականությունը, հետևողականորեն փչացնել մեր հարաբերությունները բոլորի հետ, որ հետո ասեն՝ «որ ասում ենք Թուրքիայից ու Ադրբեջանից բացի, այլ տարբերակ չունենք»: