Հայաստանի էկոնոմիկայի նախարարությանը 2026 թվականին նախատեսվում է հատկացնել 74 միլիարդ 514 միլիոն դրամ։ Այս մասին հոկտեմբերի 28-ին՝ մշտական խորհրդարանական հանձնաժողովների համատեղ նիստում, 2026 թվականի պետական բյուջեի նախագծի քննարկման ժամանակ հայտարարել է հանրապետության ֆինանսների նախարար Վահե Հովհաննիսյանը։
Դա, ըստ նախարարի, 5 միլիարդ դրամով պակաս է 2025 թվականի ցուցանիշից։
Միաժամանակ, նախատեսվում է հաջորդ տարի բարձր տեխնոլոգիական արդյունաբերության նախարարությանը հատկացնել 37 միլիարդ 352 միլիոն դրամ։
«Սա 10 միլիարդ 157 միլիոն դրամով պակաս է 2025 թվականի պետական բյուջեի ցուցանիշներից», — ասել է Հովհաննիսյանը։
