ՀՀ վարչապետ Նիկոլ Փաշինյանը Հովհաննավանքում է՝ մասնակցելու Տեր Արամի մատուցած պատարագին:
Վարչապետը տեսանյութ է հրապարակել Ֆեյսբուքի իր էջում, որին կից գրել է. «Հովհաննավանքում պատարագ՝ Տեր Արամի մատուցմամբ»:
Պատարագին մասնակցում են գործադիր և օրենսդիր իշխանության բազմաթիվ ներկայացուցիչներ, այդ թվում՝ ՀՀ էկոնոմիկայի նախարար Գևորգ Պապոյանը, պաշտպանության նախարար Սուրեն Պապիկյանը, Արագածոտնի մարզպետ Սերգեյ Մովսիսյանը:
Ավելի վաղ վարչապետը հայտնել էր՝ կիրակի օրը Հովհաննավանքում մասնակցելու է Տեր Արամ քահանա Ասատրյանի մատուցած պատարագին:
Ավելի վաղ տեղեկացրել էինք, որ Տեր Արամ քահանա Ասատրյանը կարգալույծ է հռչակվել: Ավելի ուշ նա գրառում է կատարել սոցցանցի իր էջում՝ բոլորին կիրակի օրը հրավիրելով Սուրբ Հովհաննավանք` մասնակցելու Սուրբ և Անմահ Պատարագին։
