Կառավարությունն իր այսօրվա՝ հոկտեմբերի 23–ի նիստում որոշեց «Ռադիո» փակ բաժնետիրական ընկերությունը միացնել «Միջազգային ռադիոցանց» փակ բաժնետիրական ընկերությանը։
Միավորման արդյունքում «Ռադիո» ՓԲԸ-ի ամբողջ գույքը, իրավունքներն ու պարտավորությունները կփոխանցվեն «Միջազգային Ռադիոցանց» ՓԲԸ-ին։ «Ռադիո» ՓԲԸ և «Միջազգային Ռադիոցանց» ՓԲԸ միավորումը կբերի կառավարման պարզեցման, օպերացիոն արդյունավետության բարձրացման և կազմակերպության զարգացման ծրագրերի առավել նպատակային իրականացման՝ առանց որևէ օպերացիոն ռիսկի։
Միավորումը կնվազեցնի կրկնվող գործառույթները և կկենտրոնացնի որոշումների կայացումը։
Կվերացվեն փոխկապակցված հաշվարկները, ինչը կպարզեցնի հաշվապահական և հարկային գործընթացները։
Ներդրողների համար առավել թափանցիկ և ընդունելի է գործել մեկ իրավաբանական անձի միջոցով։
Հայաստանի Հանրապետությանը՝ որպես միակ բաժնետիրոջ և Նախարարությանը՝ որպես բաժնետոմսերի կառավարման լիազոր մարմնի վերահսկողության ուղղակի և ոչ թե միջնորդավորված եղանակով իրականացման ապահովում, թափանցիկության և հաշվետվողականության առավել արդյունավետ մեխանիզմների կիրառում:
Միավորումը որևէ կերպ չի սահմանափակելու ռազմավարական ծրագրերի իրականացումը և առաջնահերթությունները մնալու են անփոփոխ՝
արևային կայանի կառուցում՝ էներգաարդյունավետության բարձրացման և ծախսերի նվազեցման նպատակով,
վաճառքների ծավալների ավելացում և միջազգային գործընկերների հետ համագործակցության ընդլայնում։
Նմանատիպ միավորումների փորձը ցույց է տալիս, որ միջանկյալ կամ թղթային ընկերությունների վերացումը բերում է վարչական ծախսերի միջինում 10-15% կրճատման, որոշումների կայացման ժամկետների կրճատման և հաշվետվողականության բարձրացման։ Ակնկալվում է, որ համանման դրական արդյունքներ կլինի նաև այս դեպքում։
