Ղազախստանում միկրոավտոբուսի և բեռնատարի վթարի հետևանքով զոհվել է 12 մարդ, հաղորդում են ղազախական ԶԼՄ-ները շրջանային ոստիկանության վարչության փոխանցմամբ։
Վթարը տեղի է ունեցել այսօր, Այտեկեբի շրջանի Բելկոպա գյուղի մոտակայքում։ Ակտոբեի Ժուրգենև գյուղից ուղևորներ տեղափոխող «Գազել» մակնիշի միկրոավտոբուսը բախվել է DAF բեռնատարին, որի վարորդը, նախնական տվյալներով, դուրս է եկել հանդիպակաց գոտի։
Միկրոավտոբուսի 2 վարորդներն էլ և 10 ուղևորը մահացել են տեղում, իսկ հինգ կենդանի մնացածները հոսպիտալացվել են։ Ոստիկանությունը հարուցել է քրեական գործ, և դեպքի վայր է ժամանել քննչական խումբ։
