Հանս-Դիտեր Ֆլիկի գլխավորած «Բարսելոնան» մտահոգիչ վիճակում է մոտեցող «Էլ Կլասիկոյին» ընդառաջ, որը տեղի կունենա հոկտեմբերի 26-ին։ Թիմը, ամենայն հավանականությամբ, կմնա առանց մի քանի առանցքային ֆուտբոլիստների։
Marca-ի տեղեկությունների համաձայն՝ դարպասապահ Ժոան Գարսիայի և կիսապաշտպան Դանի Օլմոյի վնասվածքները դեռևս չեն ապաքինվել, և նրանց շանսերը՝ մինչև կարևորագույն հանդիպումը խաղադաշտ վերադառնալու, մոտ են զրոյի։
Մյուս կողմից, լավ նորություններ կան Ռաֆինյա Դիասի վերաբերյալ: Եզրային հարձակվողը, ըստ նախնական հաշվարկների, պետք է պատրաստ լինի «Ռեալի» դեմ խաղին: Սակայն նա անպայման բաց կթողնի հոկտեմբերի 18-ին կայանալիք մոտակա խաղը «Ժիրոնայի» դեմ:
Մարզչական շտաբը որոշել է ռիսկի չենթարկել բրազիլացուն և նույնիսկ չի դիտարկում նրան կազմում ընդգրկելու տարբերակը այդ հանդիպման համար:
