Հայաստանի նախկին վարչապետ Կարեն Կարապետյանի որդին այս պահին հակակոռուպցիոն դատարանի բակում է, որտեղ քննվում է «Տաշիր գրուպ» ընկերությունների խմբի սեփականատեր Սամվել Կարապետյանի խափանման միջոց կալանքի հարցը։
Լրագրողների հարցին, թե ո՞րն է իր այստեղ գտնվելու ուղերձը, նա պատասխանեց. «Ներողություն, ոչ մի մեկնաբանություն չունեմ»։
Նա նաև չմեկնաբանեց լուրերը, որ հնարավոր է՝ իր հայրը վերադառնա ակտիվ քաղաքականություն Հայաստանում։
Իսկ դիտարկմանը, որ եկել է պարզապես աջակցելու Սամվել Կարապետյանին, նա կարճ ասաց. «Դե փաստացի այստեղ եմ»։
