Պաղեստինյան արմատական իսլամիստական ՀԱՄԱՍ շարժումն Իսրայելին է հանձնել ևս չորս պատանդի դի:
Մարմինների հանձնումը տեղի է ունեցել, երբ Իսրայելի իշխանությունները հայտարարել են, որ կիսով չափ կկրճատեն թույլատրված մարդասիրական օգնության բեռնատարների քանակը Գազայի հատված, եթե ԱՄՆ նախագահ Դոնալդ Թրամփի ծրագրի շրջանակում պայմանավորվածությունները չկատարվեն:
Գազայում դեռ մնում է 20 մարմին։ Times of Israel-ի տվյալներով՝ ՀԱՄԱՍ-ը խոստացել է հոկտեմբերի 15-ին վերադարձնել ևս չորս պատանդի աճյուն։
ԱՄՆ նախագահ Դոնալդ Թրամփը պահանջել է, որ պաղեստինյան շարժումը հանձնի բոլոր մահացած իսրայելցի պատանդների մարմինները՝ հայտարարելով, որ սկսվում է Գազայի իր խաղաղության ծրագրի երկրորդ փուլը։
