Ռուսաստանի և Ուկրաինայի հետ քննարկվում են Զապորոժիեի ԱԷԿ-ի արտաքին էլեկտրամատակարարման վերականգնման առաջարկները, այս մասին հայտարարել է ԱԷՄԳ-ի տնօրեն Ռաֆայել Գրոսսին։
Ավելի վաղ Զելենսկին հայտարարել էր, որ Զապորոժիեի ատոմակայանում իրավիճակը ճգնաժամային է։ Նրա խոսքով՝ ատոմակայանն արդեն մի քանի օր է, ինչ էլեկտրաէներգիա է ստանում դիզելային գեներատորներից, սակայն «գեներատորներն ու ատոմակայանը նախատեսված չեն դրա համար»։
ԱԷՄԳ-ն էլ զգուշացրել էր Զապորոժիեի ատոմակայանում միջուկային վթարի ռիսկի մասին՝ էլեկտրաէներգիայի երկարատև անջատման պատճառով
«Ատոմակայանի պահեստային դիզելային գեներատորները բավարար վառելիք ունեն միայն 10 օրվա համար։ Պահեստային համակարգերի անջատումը կհանգեցնի միջուկային վառելիքի հալման», — նշված է հաղորդագրության մեջ:
