Սպիտակ տան կառավարման և բյուջեի գրասենյակը սառեցրել է Իլինոյս նահանգի Չիկագո քաղաքի մետրոյի ընդլայնման 2,1 միլիարդ դոլարի նախագծերը: Ըստ գրասենյակի ղեկավար Ռասել Վոութի՝ դա պայմանավորված է նրանով, որ կապալառուներն ընտրվել են իրենց ռասայական պատկանելության հիման վրա:
«Չիկագոյի ենթակառուցվածքային նախագծերի 2,1 միլիարդ դոլարը, մասնավորապես՝ Կարմիր գծի ընդլայնումը և Կարմիր և Մանուշակագույն գծերի արդիականացման նախագիծը, կասեցվել են՝ ապահովելու համար, որ ֆինանսավորումը չուղղվի ռասայական պատկանելության վրա հիմնված պայմանագրերի միջոցով»,- հայտարարել է նա:
Ավելի վաղ Հանրապետական ուսակցությունը ներկայացնող նախագահ Դոնալդ Թրամփի վարչակազմի ներկայացուցիչները բազմիցս հայտարարել են Դեմոկրատական կուսակցության համար առաջնահերթ նշանակություն ունեցող նախագծերից հրաժարվելու իրենց մտադրության մասին:
