Կոլումբիացի ապստամբները առեւանգել եւ պահում են 57 զինծառայողների։ Այս մասին X սոցցանցի իր էջում հայտնել է երկրի պաշտպանության նախարարությունը։
Առկա տեղեկատվության համաձայն՝ չորս սպա եւ 53 զինվոր առեւանգվել են «Կառլոս Պատինյո» խմբավորման անդամների կողմից Կոլումբիայի հարավ-արեւմուտքում, Կաուկա դեպարտամենտի Արխելիա մունիցիպալիտետում։
Պաշտպանության նախարարությունը վճռականորեն դատապարտել է զինվորականների առեւանգումը եւ տեղի ունեցած հանցագործությունն անվանել պետությանը հասցված վիրավորանք։ Կոլումբիական բանակը տեղակայված է մնում առեւանգման շրտանում եւ միջոցներ է ձեռնարկում զինծառայողներին ազատելու եւ տեղի բնակչությանը պաշտպանելու համար։
