ՌԴ Կոմունիստական կուսակցությունից ադրբեջանցի պատգամավոր Թաղի-զադե Խալիդ Բոյուկաղգա օղլին զրկվել է Խանտի-Մանսիյսկի ինքնավար օկրուգի Դումայի՝ Յուգրայի սոցիալական զարգացման հանձնաժողովի փոխնախագահի պաշտոնից: Այս մասին հաղորդվել է խորհրդարանի մամուլի պաշտոնական հաղորդագրությունում:
Խանտի-Մանսիյսկի ինքնավար օկրուգի խորհրդարանի նախագահ Բորիս Խոխրյակովը հիշեցրել է ժողովի պատճառները՝ կապված պատգամավորի հայտարարությունների հետ: Ավելի վաղ ադրբեջանցի պատգամավորը ասել էր, որ միգրանտները (մասնավորապես՝ ուզբեկները) Խանտի-Մանսիյսկի ինքնավար օկրուգ՝ «իրենց պատմական հայրենիք» են մեկնում: Խորհրդարանականը իր եզրակացությունները «հիմնավորել» է այն փաստով, որ Սիբիրի խանության կառավարիչ Կուչումը, որը պարտվել էր ռուսական բանակին, ուզբեկ էր:
«Ես կարծում եմ, որ պատգամավոր Թաղի-զադեն իր դիտողությամբ ոչ միայն վարկաբեկել է իրեն, այլեւ հանրային քննադատության փոթորիկ է առաջացրել, այդ թվում՝ ինքնավար օկրուգի դումայի դեմ»,- նշել է խորհրդարանի նախագահը: Նրա խոսքով՝ խորհրդարանականը դրանով խախտել է խորհրդարանական էթիկայի կանոնները եւ վնասել պետական իշխանության հեղինակությանը:
Արդյունքում՝ սոցիալական զարգացման հանձնաժողովը որոշել է դադարեցնել պատգամավոր Թաղի-զադեի լիազորությունները որպես հանձնաժողովի փոխնախագահ։ Խորհրդարանականները նաեւ որոշել են պահանջել հրապարակային ներողություն իրենց ընկերոջից, հրապարակայնորեն նկատողություն անել նրան եւ այդ մասին տեղեկացնել ընտրողներին լրատվամիջոցներով։
Նշվել է, որ Խանտի-Մանսիյսկի ինքնավար օկրուգի դումայի կանոնակարգի եւ էթիկայի հանձնաժողովի նախագահ Լեոնիդ Միխալկոն նույնպես դիմել է օկրուգի դատախազությանը՝ Թաղի-զադեի գործողությունները դաշնային օրենսդրությանը համապատասխանեցնելու համար գնահատելու խնդրանքով։
Միաժամանակ, Բորիս Խոխրյակովը նշել է, որ այս պահին պատգամավորները իրավունք չունեն վաղաժամկետ զրկել Թաղի-զադեին խորհրդարանական լիազորություններից, քանի որ օրենքի համաձայն՝ էթիկայի խախտումը նման որոշման հիմք չէ։
Հիշեցնենք, որ տարածաշրջանային խորհրդարանում ելույթից մի քանի օր անց քաղաքական գործիչը սոցցանցերում տեղադրել է տեղեկություն՝ ներողություն խնդրելով։ Նրա խոսքով՝ նա չէր պատրաստվում խեղաթյուրել պատմական փաստերը։
