Երևանի ավագանու «Հայաստան» խմբակցության անդամ Մեսրոպ Մանուկյանը, արձագանքելով այսօր ԱԺ-ում Նիկոլ Փաշինյանի հնչեցրած հայատարարություններից մեկին, գրում է.
«Հարգելի՛ մեր թոշակառուներ և մեր հայրենակիցներ
Չկարողացա չանրադառնալ Նիկոլ Փաշինյանի Աժ-ում արտահայտած հերթական անհասկանալի մտքին՝ «Եթե ապրիլին ողջ պետական ապարատը աշխատավարձ չստանար, թոշակները կբարձրանային 1400 դրամ»։
Նիկոլ Փաշինյան, Ձեզ ո՞ր պետական պաշտոնյան է նման հիմարություն ներկայացրել, որ եթե ապրիլ ամսին ամբողջ պետական ապարատը աշխատավարձ չստանա ապա թոշակները կբարձրանա ընդամենը 1400 դրամ…
Համաձայն վիճակագրական կոմիտեի, ՀՀ-ում պետական ապարատում աշխատում է 210 000 -ից ավել մարդ, 2023 թվականին թոշակառուների թիվը չի գերազանցել 500 000 թոշակառուն։ Միջին ամսական աշխատավարձը կազմում է 266000 դրամ
Հիմա մի փոքր մաթեմատիկա.
Եթե 210000 պետական աշխատավարձ չստանա ապա կտնտեսվեր 210000*266000=55 860 000 000 դրամ
Հիմա ստացված թիվը բաժանենք թոշակառուների թվին 55 860 000 000 / 500000= 111 720
Այսպիսով փաստենք, որ մեկ ամիս պետական ապարատը աշխատավարձ չստանալու դեպքում թոշակառուների թոշակը կբարձրանա 111 720 դրամով։
Հարգելի հայրենակիցներ, գնահատեք ինքներդ»։
