Ուրանի հարստացումից հրաժարվելը Իրանի միջուկային արդյունաբերությունը կդարձնի անօգուտ եւ իսլամական հանրապետությունը կախված կլինի այլ երկրներից, հայտարարել է Իրանի գերագույն առաջնորդ Ալի Խամենեին։
«Միջուկային արդյունաբերությունն անօգուտ է առանց ուրանի հարստացման հնարավորության, քանի որ այդ դեպքում մենք ստիպված կլինեինք ձեռքներս մեկնել ատոմակայանների կառուցման համար։ Սա համեմատելի է այն բանի հետ, որ նավթ ունենաս, բայց ձեր տարածքում այն վերամշակելու հնարավորություն չունենաս։ Դուք ունեք նավթ, բայց ստիպված եք բենզին գնել ուրիշներից»,- ասել է պետության ղեկավարը։
