Արդյոք Տավուշի մարզում առաջիկայում իրականացվելիք սահմանազատման արդյունքում Հայաստան- Վրաստան միջպետական ճանապարհն անցնելու Ադրբեջանի վերահսկողության տակ։ Ընդդիմադիր «Հայաստան» խմբակցության պատգամավոր Գառնիկ Դանիելյանն այսօր Ազգային ժողով — կառավարություն հարցուպատասխանի ժամանակ հարցը 2 անգամ ուղղեց փոխվարչապետ Մհեր Գրիգորյանին։ Վերջիս, սակայն, այդպես էլ հստակ պատասխան չտվեց։
Հունվարի 16 -ին Ադրբեջանի և Հայաստանի սահմանազատման հանձնաժողովները որոշեցին պետական սահմանի սահմանազատումն իրականացնել հյուսիսային հատվածից՝ Հայաստանի, Ադրբեջանի և Վրաստանի սահմանների հատման կետից և այնուհետև շարունակել սահմանազատումը հարավային ուղղությամբ։
«Պայմանավորվածությունները հրապարակվում են, և չեն կարող գաղտնի մնալ։ Վերջին հանդիպման վերաբերյալ կա մամլո հաղորդագրություն։ Եթե ձեր ասածը այդ պայմանավորվածության մեջ չկա, ուրեմն չկա նման պայմանավորվածություն», — նշեց Գրիգորյանը։
