Ադրբեջանը Վրաստանի կարևորագույն ռազմավարական գործընկերներից է, Բաքվում հայտարարել է Վրաստանի վարչապետ Իրակլի Կոբախիձեն` վրաց -ադրբեջանական միջկառավարական տնտեսական նիստի մեկնարկին։
«Տարածաշրջանային համագործակցության համատեքստում կարևոր է ապահովել էներգետիկ և տրանսպորտային ուղիների հաջող գործունեությունը, լուծել առկա հակամարտությունները և նպաստել տարածաշրջանում անվտանգությանը», — ընդգծել է վրացական կառավարության ղեկավարը։
Կոբախիձեն Բաքու է ժամանել այսօր։ Սա Վրաստանի նորընտիր կառավարության ղեկավարի պաշտոնում նրա առաջին արտասահմանյան ուղևորությունն է, որի ընթացքում, ըստ վրացական պաշտոնական աղբյուրների, նախատեսված են մի շարք հանդիպումներ, այդ թվում՝ Ադրբեջանի նախագահի հետ։
