«Ինտեր Մայամին» արգենտինացի հարձակվող Լիոնել Մեսսին մոտ ապագայում կարող է վերադառնալ եվրոպա։ Այս մասին հայտնում է Marca-ն։
Աղբյուրի համաձայն՝ ամերիկյան ակումբը մտադիր է երկարաձգել պայմանագրի ժամկետը արգենտինացու հետ՝ ներառելով տարբերակ, որը թույլ կտա խաղացողին վարձավճարով գնալ եվրոպական ակումբ 2025 թվականի վերջից մինչև 2026 թվականի սկիզբն ընկած ժամանակահատվածում, երբ MLS-ում խաղեր չեն լինի:
Նշվում է, որ այս կերպ Լեոն կկարողանա պահպանել մարզավիճակը MLS-ի արտամրցաշրջանի ընթացքում՝ նախապատրաստվելով 2026 թվականի աշխարհի առաջնությանը։
Լիոնել Մեսսիի գործող պայմանագրի ժամկետը «Ինտեր Մայամիի» հետ նախատեսված է մինչև այս տարվա վերջ։ Ավելի վաղ ակումբը հայտարարել էր 37-ամյա ֆուտբոլիստի հետ պայմանագիրը առնվազն մեկ տարով երկարաձգելու պատրաստակամության մասին։ MLS-ի նոր մրցաշարը մեկնարկում է փետրվարի վերջին։
