Գումի շուկայից ձերբակալվածներից 6-ն ազատ է արձակվել ձերբակալության 72 ժամը լրանալուց հետո: Այս մասին գրում են լրատվամիջոցները։
Նշվում է, որ մյուս երկուսը շարունակում են մնալ անազատության մեջ:
Հիշեցնենք, որ դեկտեմբերի 13-ին սննդի անվտանգության տեսչական մարմնի հետ ՆԳՆ ոստիկանության ծառայողները հերթական համատեղ ստուգայցն են կատարել Երևանի Խորենացի փողոցում գտնվող մսի վաճառքով զբաղվող խանութներ՝ ստուգվել է մսի սպանդանոցային մորթի վերաբերյալ փաստաթղթի առկայությունը։ Արդյունքում բախում է տեղի ունեցել մսավաճառների և ոստիկանների միջև, ձերբակալություններ են տեղի ունեցել։
