«Մենք արել ենք ու կանենք ամեն ինչ հայ-ադրբեջանական հարաբերությունների կարգավորման, Ադրկովկասում ամուր խաղաղության համար», Հայաստանի դեսպան Գուրգեն Արսենյանի՝ հավատարմագրերի հանձնման միջոցառման ժամանակ հայտարարել է Ռուսաստանի նախագահ Վլադիմիր Պուտինը։
Ռուսաստանի նախագահն ասել է, թե շարունակելու են աջակցել խաղաղության պայմանագրի, սահմանազատման ու ապաշրջափակման շուրջ աշխատանքներին՝ «2020-22 թվականների ամենաբարձր մակարդակով եռակողմ համաձայնություններին համահունչ»
«Չեմ կարող չհայտնել գոհունակությունս, որ Ադրբեջանի ու Հայաստանի առաջնորդները օգտվեցին BRICS-ի գագաթնաժողովի հարթակից ու սկզբունքային հարցերի շուրջ կարևոր զրույց ունեցան՝ ամուր խաղաղության հասնելու համար», — ասել է Պուտինը։
Կազանում հոկտեմբերի վերջին հանդիպել էին Հայաստանի վարչապետ Նիկոլ Փաշինյանն ու Ադրբեջանի նախագահ Իլհամ Ալիևը, ինչից հետո նախ Հայաստանի, ապա Ադրբեջանի նախագահները հրամանագրերով վավերացրեցին հայ — ադրբեջանական սահմանազատման հանձնաժողովների կանոնակարգը։
