Ռուսաստանում Հայաստանի նորանշանակ դեսպան Գուրգեն Արսենյանը Կրեմլում հավատարմագրերն է հանձնել նախագահ Վլադիմիր Պուտինին, միջոցառմանը մասնակցել են այլ պետությունների 27 նորանշանակ դեսպաներ նույնպես, այդ թվում՝ Ադրբեջանի դեսպան Ռահման Մուստաֆաևը:
Նա այս պաշտոնում փոխարինել է ավելի քան 18 տարի որպես դեսպան պաշտոնավարած Փոլադ Բյուլբյուլօղլիին։
Արսենյանը Ռուսաստանում Հայաստանի դեսպան է նշանակվել նախագահի՝ օգոստոսի 14-ի հրամանագրով։ Դրանից օրեր առաջ նա վայր էր դրել պատգամավորական մանդատը։
Հայ-ռուսական սրված հարաբերությունների այս փուլում մինչև պաշտոնապես նշանակվելը նա ասել էր, թե հույս ունի մեղմել սուր կետերն ու փոխել երկու երկրների հարաբերությունների ալգորիթմը։
