ՆԱՏՕ ռազմավարությունը Ուկրաինային ռազմական օգնություն ցուցաբերելն է։ Ինչ-որ պահի Կիեւը կարող է բանակցություններ սկսել Ռուսաստանի հետ ուժի պայմաններով։ Այս մասին հայտնել է ՆԱՏՕ գլխավոր քարտուղար Մարկ Ռյութեն Բրյուսելում կայացած մամուլի ասուլիսում։
«Մենք զանգվածաբար աջակցում ենք Ուկրաինային ռազմական օգնությամբ, որպեսզի համոզվենք, որ նա ի վիճակի է հակահարված տալ»,- ասել է նա։
Նրա խոսքով՝ ՆԱՏՕ-ն թույլ չի տա Պուտինին հասնել իր ուզածին Ուկրաինայում։
«Ներկա պահին մենք տեսնում ենք, որ արեւելյան գծում ռուսները հասնում են ոչ մեծ հաջողությունների, բայց զգալի գնով, եւ ես ամեն օր տպավորվում են Ուկրաինայի հնարամտությամբ, նրա կրեատիվությամբ, նոր գաղափարներ հորինելու ունակությամբ»,- ասել է Ռյութեն՝ նշելով անօդաչուները։
ՆԱՏՕ գլխավոր քարտուղարը տեղեկացրել է, որ ԱՄՆ-ը եւ մյուս երկրները զգալի օգնություն են ցուցաբերում Ուկրաինային։
«Այն, ինչ պետք է մենք անենք, համոզվելն է, որ Ուկրաինան կարող է շարունակել անել դա»,- ասել է նա։
Ռյութեն համոզված է, որ Պուտինը չի հասնի իր ուզածին։ «Եվ եթե մի գեղեցիկ օր Զելենսկին ու նրա թիմը որոշեն քննարկել Ռուսաստանի հետ, թե ինչպես վերջ դնեն դրան, նա այդ կանի ուժի դիրքերից»,- ավելացրել է ՆԱՏՕ գլխավոր քարտուղարը։
