Առինջում այսօր բացվեց Իրանի առևտրի կենտրոնը։
Կենտրոնում ներկայացված են իրանական շուկայի խոշորագույն արտադրողները նավթի, գազի ոլորտում, նավթաքիմիկատներ արտադրող ընկերություններ, ինչպես նաև կենցաղային տեխնիկայի, շինարարական նյութերի, ծխախոտի, թղթե արտադրությամբ զբաղվող ընկերություններ:
Աշխարհում ամենախոշոր իրանական առևտրի կենտրոնի համահիմնադիրներն են Նվեր Ծառուկյանը, «Բարգավաճ Հայաստան» կուսակցության նախագահ Գագիկ Ծառուկյանի որդին, իրանական կողմից՝ գործարար Արման Օլամայան:
Իրանական առևտրի կենտրոնը նախագծվել և մշակվել է Երևանում, այն զբաղեցնում է ավելի քանի 18 հազար քառակուսի մետր տարածք: Կենտրոնի 10 հազար քառակուսի մետր տարածքը ներառում է տարբեր չափերի 107 ցուցահանդեսային տաղավարներ։ Առևտրի կենտրոնում կա նաև կոնֆերանսների սենյակ՝ բիզնես (B2B) հանդիպումների համար և բաց տարածք միջոցառումների, փառատոների, ինչպես նաև կոնֆերանսների անցկացման համար:
Կենտրոնը գտնվում է Գագիկ Ծառուկյանին պատանող «Առինջ մոլ»-ի տարածքում։
