Իրանի նախագահ Մասուդ Փեզեշքիանը հերքել է Ռուսաստանին զենք մատակարարելու մասին մեղադրանքները՝ նշելով, որ Թեհրանն իրավունք ունի հարաբերություններ պահպանել Մոսկվայի հետ։
Փեզեշքիանը պաշտոնը ստանձնելուց հետո իր առաջին ասուլիսն է անցկացրել՝ պատասխանելով Ռուսաստանին բալիստիկ հրթիռներ մատակարարելու վերաբերյալ եվրոպացի պաշտոնյաների մեղադրանքներին։
Իրանի նախագահն ընդգծել է, որ իր՝ իշխանության գալուց ի վեր, «ոչ մի զենք չի փոխանցվել»։
Միաժամանակ Իրանի նախագահը նշել է, որ երկու երկրներն էլ իրավունք ունեն զարգացնելու երկկողմ համագործակցությունը։ Նրա խոսքով՝ Թեհրանը միշտ հանդես է եկել Ուկրաինայի հակամարտության խաղաղ կարգավորման օգտին։
Ինչպես հավելել է Իրանի նախագահը, հակամարտությունը հրահրել ենՆԱՏՕ-ի երկրները, որոնք խախտել են դեպի արևելք չընդլայնելու պայմանագիրը։
