Հայաստանը մտահոգված է, որ Ադրբեջանը շարունակում է զենք գնել տարբեր երկրներից։ Այս մասին սեպտեմբերի 16-ին Ազգային ժողովում ավանդական ճեպազրույցների ժամանակ ասաց իշխող «Քաղաքացիական պայմանագիր» խմբակցության պատգամավոր, Պաշտպանության և անվտանգության հարցերի մշտական խորհրդարանական հանձնաժողովի նախագահ Անդրանիկ Քոչարյանը։
Նրա խոսքով, Ադրբեջանը, փաստորեն, մտահոգված է, որ Հայաստանի կառավարությունը և զինված ուժերը լայնածավալ միջոցառումներ են իրականացնում՝ երկրի անվտանգության և պաշտպանունակությունը «մի քանի մակարդակով» բարձրացնելու համար։ «Առաջնագծի ողջ երկարյնքով ամրացման աշխատանքներ են ընթանում։ Հենց դա է անհանգստացնում Ադրբեջանին»,- ասել է Քոչարյանը։
Միաժամանակ հանձնաժողովի ղեկավարը նշել է, որ Հայաստանն իր հերթին մտահոգված է, որ Ադրբեջանը շարունակում է զենք գնել տարբեր երկրներից, եւ մեծ քանակությամբ:
