Telegram-ի հիմնադիր Պավել Դուրովը ևս 48 ժամ կմնա կալանքի տակ՝ կիբեռհանցագործությունների հետաքննության շրջանակում։ Այս մասին հայտնում է ՌԻԱ Նովոստին՝ հղում անելով Փարիզի դատախազության աղբյուրին։
Այլ մանրամասներ դեռևս չեն հաղորդվում:
Հիշեցնենք՝ Telegram-ի հիմնադիր Պավել Դուրովը ձերբակալվել է «Լե Բուրժե» օդանավակայանում։ Նա մասնավոր ինքնաթիռով, ըստ աղբյուրների, ժամանել էր Ադրբեջանից։ Գործը, որով հարցաքննվում է Telegram սոցիալական ցանցի հիմնադիրը, վերաբերում է 12 հանցագործությունների։ դրանց մեծ մասը կիբերհանցագործություններ են։
