Հայաստանի առաջատար վազորդ Երվանդ Մկրտչյանն ավարտել է մրցելույթը Փարիզում անցկացվող ամառային 33-րդ Օլիմպիական խաղերում:
Երկրորդ՝ սփոփիչ մրցապայքարում Մկրտչյանն այսօր Փարիզի «Ստադ դե Ֆրանսում» 800 մետր վազքատարածությունը հաղթահարել է 1:50.07 վայրկյան արդյունքով և 32 մարզիկիների պայքարում գրավել է 28-րդ տեղը:
Երեկ Երվանդ Մկրտչյանը որակավորման փուլում 800 մետր տարածությունը հաղթահարել էր 1:49.91 արդյունքով և Հայաստանի նոր ռեկորդ սահմանել:
Հիշեցնենք՝ Երվանդ Մկրտչյանն առաջին անգամ էր մասնակցում Օլիմպիական խաղերին: Նա աթլետիկայի մրցաշարում Հայաստանի միակ ներկայացուցիչն էր:
