Կուրսկի շրջանում իրավիճակը շարունակում է լարված մնալ Սուջայի և Կորենևսկու շրջաններում։
Այս մասին ասված է «Рыбарь» ռազմական նախագծի հաղորդագրության մեջ։
Ըստ աղբյուրի, ուկրաինական կազմավորումները գրավել են Սուջայի արևմտյան կեսը, իսկ մարտական շփման գիծն անցել է ամբարտակի տարածքով։ Միաժամանակ տարածքը պաշտպանվում է ռուսական կողմից, որոնք պետք է թույլ չտան ուկրաինական զինված ուժերի ստորաբաժանումների մուտքը քաղաքի արևելյան հատված։
Սուջայի մի քանի բնակավայրերում շարունակվում է բնակչության տարհանումը։ Մարդիկ օգնություն են խնդրում իրենց տարեց հարազատներին դուրս հանելու համար։
Ավելի վաղ ՌԴ ԶՈւ գլխավոր շտաբի պետ Վալերի Գերասիմովը հայտարարել էր, որ Ուկրաինայի Զինված ուժերի ստորաբաժանումների առաջխաղացումը Կուրսկի շրջանի ուղղությամբ կասեցվել է։
Ռուսաստանի նախագահ Վլադիմիր Պուտինը ուկրաինական բանակի ներխուժումը Կուրսկ որակել էր որպես «լայնածավալ սադրանք»:
