Եվրոպական խորհուրդը ողջունել է Հայաստանի հետ վիզային ռեժիմի ազատականացման շուրջ երկխոսություն սկսելու Եվրոպական միության արտաքին հարաբերությունների խորհրդի որոշումը:
«Եվրոպական խորհուրդը ողջունում է Հանձնաժողովի մտադրությունը Հայաստանի հետ վիզային ռեժիմի ազատականացման շուրջ երկխոսություն սկսելու և երկխոսության փուլերում, այդ թվում՝ չափանիշների սահմանման և դրանց իրականացման գնահատման գործընթացում, Խորհրդին և անդամ պետություններին լիարժեք ներգրավելու վերաբերյալ: Հայաստանի քաղաքացիների համար մուտքի արտոնագրային պարտավորությունների չեղարկման հնարավորությունը կդիտարկվի միայն չափանիշների ամբողջական կատարումից հետո»,- ասված է ԵՄ խորհրդի X-ի միկրոբլոկում:
