Վրաստանի Բաթումի քաղաքում ընթացող «8th Batumi Municipality Cup» շախմատի միջազգային մրցաշարի ավարտին մնացել է 3 խաղափուլ և այժմ Ա խմբում միանձնյա առաջատարն է միջազգային վարպետ Ստեֆան Պողոսյանը, որը 6 հնարավորից ունի 5 միավոր:
Գրոսմայստեր Լևոն Բաբուջյանը և ՖԻԴԵ-ի վարպետ Սիմոն Մկրտչյանը ունեն 4.5 միավոր և զբաղեցնում են համապատասխանաբար չորրորդ և հինգերորդ հորիզոնականները:
Բ խմբում միանձնյա առաջատարն է Մենուա Հակոբյանը, որը հաղթել է բոլոր 6 խաղերում:
Գ խմբում միանձնյա առաջատարն է Արայիկ Յավրյանը, որը ունի 5.5 միավոր:
Մինչև 12 տարեկան տղաների խմբում առաջատարներն են Գոռ Գրիգորյանը և Արմեն Հարությունյանը, որոնք ունեն 5 միավոր: Մինչև 12 տարեկան աղջիկների խմբում միանձնյա առաջատարն է Անգելինա Միրաքյանը որը ունի 5.5 միավոր:
Մինչև 10 տարեկան տղաների խմբում միանձնյա առաջատարն է Միքայել Սարգսյանը, որը ունի 5 միավոր:
Հիշեցնենք, որ մրցաշարին Հայաստանից մասնակցում են 88 շախմատիստներ։