ՀՀ դեսպանի հետ Իսրայելի ԱԳՆ-ում հանդիպում այս պահին տեղի չի ունեցել․ ԱԳՆ մամուլի խոսնակ

Իսրայելում Հայաստանի դեսպանի հետ այդ երկրի արտաքին գործերի նախարարությունում հանդիպում այս պահին տեղի չի ունեցել։

«Արմենպրես»-ի հետ զրույցում այս մասին ասել է Հայաստանի ԱԳՆ մամուլի խոսնակ Անի Բադալյանը։

«Պաղեստինի պետության ճանաչման վերաբերյալ ՀՀ ԱԳՆ հրապարակել է հայտարարություն, որում ներկայացված են ՀՀ մոտեցումները, այդ թվում՝ «երկու պետություն» սկզբունքի մասով:

Հանրային լրացուցիչ մեկնաբանություն չունենք: Այս պահին ՀՀ դեսպանի հետ Իսրայելի ԱԳՆ-ում հանդիպում տեղի չի ունեցել»,- նշել է ՀՀ ԱԳՆ մամուլի խոսնակը:

Ավելի վաղ Իսրայելի ԱԳՆ-ն հայտնել էր, որ Իսրայելում Հայաստանի դեսպանը կանչվել է ԱԳՆ՝ կապված Հայաստանի կողմից Պաղեստինի Պետությունը ճանաչելու հետ։

Հայաստանի ԱԳՆ-ի հայտարարության մեջ ասվում է, որ տարբեր միջազգային հարթակներում Երևանը մշտապես հանդես է եկել պաղեստինյան հիմնախնդրի խաղաղ և համապարփակ կարգավորման օգտին և շարունակում է աջակցել իսրայելա-պաղեստինյան հակամարտության լուծմանը՝ հիմնված երկու պետությունների՝ հրեական և արաբական սկզբունքի վրա։

Լրահոս

Օրացույց

Հուլիսի 2024
Ե Ե Չ Հ Ու Շ Կ
1234567
891011121314
15161718192021
22232425262728
293031