«Օրակարգում բացակայում է այս օրերին հանրությանը հուզող և լայն թափ ստացած ազգային շարժման օրակարգային հարցերը»:
Այս մասին այսօր՝ Ազգային ժողովի նիստի ժամանակ ասաց «Հայաստան» խմբակցության պատգամավոր Արծվիկ Մինասյանը, հավելելով, որ ընդամենը շաբաթներ առաջ մերժվել է սահմանազատման և սահմանագծման հարցով «Հայաստան» և «Պատիվ ունեմ» խմբակցությունների ներկայացրած նախագիծը, այժմ էլ փորձ է արվում նսեմացնել Բագրատ սրբազանի գլխավորած շարժումը:
«Դուք օգտագործում եք սահմանի վերարտադրությւոն արտահայտությունը, բացեք տեսեք ՀՀ որևէ օրենքում սահմանի վերարտդրություն հասկացություն կա՞»,- ասաց Մինասյանը:
Արձագանքելով ԱԺ նախագահ Ալեն Սիմոնյանը նշեց. «Պարոն Մինասյան, ստացվում է, որ դուք պնդում եք, որ Հայաստանը սահման չունի, հա՞: Մենք ինչ-որ սահմանով անկախացել ե՞նք, հիմա դուք՝ 2-րդ խմբակցության քարտուղար Ազգային ժողովի ամբիոնից հայտարարում եք, որ ՀՀ-ն սահման չունի, հիմա, որ մեր հակառակրդը գա՝ ձեր գրասենյակի մոտ պոստ դնի, ասի՝ Արծվիկ Մինասյանն ասել է սահման չկա, այդ ժամանակ ինչ եք ասելու:Հետևեք ձեր բառապաշարին, Հայաստանն ունի կոնկրետ հստակ սահման՝ իրավական հիմքերով»: