«Քաղաքացիական պայմանագիր» խմբակցության պատգամավոր Վահագն Ալեքսանյանը «Ֆեյսբուք»-ի իր էջում անդրադարձել է Քննչական կոմիտեի այն հաղորդագրությանը, ըստ որի՝ բարեգործական ճաշարանի շահառուներին գումարի դիմացել բերել են հանրահավաք:
«ՔԿ-ն պարզել է, որ բարեգործական ճաշարանի շահառուներին մայիսին 9-ին վճարել են 3000-ական դրամ, որպեսզի մասնակցեն Հանրապետության հրապարակի միտինգին։
Ամենախոցելի խավին են թիրախավորել՝ մեր աղքատ տատիկ-պապիկներին։
«Խաչագողե՜ր։
Ուրիշ բառ չունեմ ասելու։ Սա է ձեր իսկական դեմքը, որ էդպես խնամքով փորձում եք թաքցնել դերասանական վատ խաղի տակ»,- գրել է Ալեքսանյանը։
Հիշեցնենք՝ համաձայն ՔԿ հաղորդագրության՝ սոցիալական խնդիրներ ունեցող և բարեգործական հասարակական կազմակերպության շահառուներ հանդիսացող Վանաձոր քաղաքի մի խումբ բնակիչներ ՀՀ ազգային անվտանգության Լոռու մարզային վարչության Վանաձորի բաժնում հաղորդում են ներկայացրել այն մասին, որ իրենց համաքաղաքացի 27-ամյա երիտասարդը, նյութապես շահագրգռելով՝ գումարներ տրամադրելով, իրենց մասնակից է դարձրել 2024թ. Հայաստանի Հանրապետությունում իրականացվող հավաքներին և բողոքի ակցիաներին: