Եվրոպական երկրներն այսպես թե այնպես պետք է բանակցեն Մոսկվայի հետ, սակայն պատերազմից հետո դա կլինի նոր մոդելի համաձայն, այսօր լրագրողների հետ զրույցում ասել է Ռուսաստանի նախագահ Վլադիմիր Պուտինի մամլո խոսնակ Դմիտրի Պեսկովը:
«Մենք դեռ պետք է պայմանավորվենք, թե ինչպես ենք ապրելու: Հասկանալի է, որ դրանք լինելու են հարաբերություններ հիմնված նոր ձևաչափերի վրա»,- ասել է նա։
Միաժամանակ, Պեսկովը նշել է, որ Ռուսաստանը և Եվրոպան աշխարհագրորեն «չեն հեռանա միմյանցից»։
«Հետևաբար, ցանկացած պարագայում հարաբերությունները պետք է կառուցվեն նոր հիմքերի վրա»,- ասել է Կրեմլի խոսնակը:
Նրա փոխանցմամբ, Ռուսաստանի և Եվրոպայի միջև նախկին հարաբերություններն այլևս չեն լինի:
«Մոսկվան հիշում է և հաշվի է առնում, թե ինչպես են իրեն վերաբերվում»,- ասել է Դմիտրի Պեսկովը և ավելացրել. «Այլևս հնարավոր չի լինի կառուցել այնպիսի հարաբերություններ, ինչպիսիք եղել են նախկինում, և ոչ ոք չի ցանկանա դա, նախևառաջ մենք չենք ուզի, քանի որ ունենք եվրոպացիների հետ հարաբերությունների մեծ փորձ»։