Չինաստանի ղեկավար Սի Ծինփինը երեքշաբթի Պեկինում ընդունել է եռօրյա պաշտոնական այցով Չինաստանում գտնվող Գերմանիայի կանցլեր Օլաֆ Շոլցին, հայտնում է Չինաստանի կենտրոնական հեռուստատեսությունը։
Հանդիպումը տեղի է ունեցել երեքշաբթի առավոտյան Պեկինի Դիաոյութայի պետական նստավայրում։
Շոլցը Չինաստան է ժամանել ապրիլի 14-ին, նա արդեն եղել է Չունցին և Շանհայ քաղաքներում։ Պեկինում նա բանակցություններ կվարի նաև Չինաստանի Ժողովրդական Հանրապետության Պետական խորհրդի վարչապետ Լի Ցյանի հետ, որի ընթացքում նախատեսվում է քննարկել առևտրային հարաբերությունները, Ուկրաինայի հակամարտությունը և իրավիճակը Մերձավոր Արևելքում։
Շոլցը վերջին անգամ Չինաստան է այցելել 2022 թվականի նոյեմբերին։ Գերմանական կառավարության կարծիքով, բացի տնտեսական հարաբերություններից, ընթացիկ այցի առանցքում կլինեն աշխարհաքաղաքական մարտահրավերներն ու կայուն զարգացման ռազմավարությունները։
