Ղազախստանի իշխանությունները ջրհեղեղների պատճառով երկրի 10 շրջանում արտակարգ դրություն են հայտարարել։
Ղազախստանի արտակարգ իրավիճակների նախարարության վերջին տվյալների համաձայն՝ ջրի տակ է անցել ավելի քան 3 հազար տուն, 70 բնակավայր մնացել է առանց տրանսպորտային կապի։ Փրկվել և տարհանվել է 46 հազար 755 մարդ, այդ թվում՝ 14 հազար 589 երեխա։
Նախագահ Կասիմ-Ժոմարտ Տոկաևը կառավարությանը հանձնարարել է ջրհեղեղներից տուժածներին վնասների փոխհատուցման արդյունավետ մեխանիզմ մշակել՝ նշելով, որ թերևս սա իր մասշտաբներով և հետևանքներով վերջին 80-տարում ամենամեծ աղետն է։
