Եվրանեսթ ԽՎ-ն ողջունել է ԵՄ-ի հետ հարաբերություններն ամրապնդելու ՀՀ կառավարության որոշումը

Եվրանեսթ խորհրդարանական վեհաժողովը 11-րդ լիագումար նստաշրջանում ընդունած բանաձևով ողջունել է Եվրոպական Միության հետ հարաբերություններն ամրապնդելու Հայաստանի կառավարության որոշումը և

ԵՄ կառույցներին հորդորել է մշակել կոնկրետ առաջարկներ, թե ինչպես արձագանքել Հայաստանի եվրոպական ձգտումներին։

ՀՀ ԱԺ-ում հրավիրված մամուլի ասուլիսի ժամանակ այս մասին տեղեկացրեց Եվրանեսթ ԽՎ-ում ՀՀ ԱԺ պատվիրակության անդամ Մարիա Կարապետյանը՝ մանրամասներ ներկայացնելով Բրյուսելում Վեհաժողովի լիագումար նստաշրջանի աշխատանքների վերաբերյալ։

Նրա խոսքով՝ Եվրանեսթ խորհրդարանական վեհաժողովն ընդունված բանաձևով խրախուսում է Հայաստանի և Ադրբեջանի միջև հարաբերությունների կարգավորման գործընթացի շուտափույթ ավարտը։

Եվրանեսթ ԽՎ-ն բանաձևով կոչ է անում ԵՄ-ին ակտիվորեն ներգրավել Բաքվի և Երևանի հաշտեցման գործընթացում, ապահովել կայուն խաղաղության պայմանագիր, որն ընդունելի կլինի երկու կողմերի համար՝ ընդգծով տարածքային ամբողջականության անձեռնմխելիությունը։

Վեհաժողովը նաև խրախուսում է Հայաստանի և Ադրբեջանի միջև կարգավորման գործընթացի շուտափույթ ավարտը, ինչի շնորհիվ կհաստատվեն միջպետական հարաբերություններ՝ հիմնված միջազգային իրավունքի նորմերի և սկզբունքների վրա, առաջին հերթին՝ միմյանց ինքնիշխանության և տարածքային ամբողջականության ճանաչման վրա։

Լրահոս

Օրացույց

Ապրիլի 2024
Ե Ե Չ Հ Ու Շ Կ
1234567
891011121314
15161718192021
22232425262728
2930