Ամաչում եմ կեղծավոր Միշելի փոխարեն․ Պուտինին հեգնանքով շնորհավորում էիր, իսկ Ալիևին՝ առանց սարկազմի՞. Էդմոն Մարուքյան

Եվրոպական խորհրդի նախագահ Շառլ Միշելը ՌԴ նախագահ Վլադիմիր Պուտինին հեգնանքով շնորհավորեց ՌԴ նախագահական ընտրությունների մեկնարկի կապակցությամբ՝ ընդգծելով, որ չկա ընդդիմություն, չկա ազատություն, չկա ընտրություն։ Ես չէի արձագանքի այս հեգնական շնորհավորանքին, եթե Շառլ Միշելը հավասարապես կիրառեր ԵՄ չափանիշները։ Այս մասին իր X-ի միկրոբլոգում գրել է ՀՀ հատուկ հանձնարարություններով նախկին դեսպան Էդոմն Մարուքյանը։

«Նույն Շառլ Միշելը օրեր առաջ շնորհավորել է Ադրբեջանի նախագահ Իլհամ Ալիևին վերընտրվելու կապակցությամբ և բարեմաղթանքներ հղել նրա նոր մանդատի համար։ Տարօրինակ է, բայց Ալիևին ուղղված շնորհավորանքը, ով 2003 թվականին հորից ժառանգել է Ադրբեջանի նախագահությունը, 21 տարի իշխանության ղեկին է և 92,05 տոկոս ձայն հավաքելով՝ հաղթում է իր հինգերորդ ժամկետը, որևէ սարկազմ կամ հեգնանք չի պարունակում։ Նաև չի ասում, որ Ադրբեջանում ընդդիմություն, ազատություն, ընտրություն չկա։ Ոչ մի խոսք քաղբանտարկյալների, մարդու իրավունքների զանգվածային ոտնահարումների, Ադրբեջանում և աքսորում գտնվող լրագրողների, քրեական հետապնդման ենթարկված և հալածված լրագրողների և բացահայտ բլոգերների մասին:

Սկսած այն շրջանից, երբ մենք երկուսս էլ «Լիբերալները և դեմոկրատները հանուն Եվրոպայի» կուսակցության անդամ ենք (ALDE), ես ամաչում եմ այս մարդու վարքագծի և երկակի ստանդարտների պրակտիկայի համար, և այդ մարդը ներկայացնում է ԵՄ-ն։ Ես ուրախ եմ մի բանի համար, որ այս կեղծավորի ժամկետն ավարտվում է, հույս ունեմ, որ ապագայում ԵՄ-ն առաջնորդող ավելի համարժեք գործիչներ կտեսնեմ», — գրել է Մարուքյանը։

Լրահոս

Օրացույց

Ապրիլի 2024
Ե Ե Չ Հ Ու Շ Կ
1234567
891011121314
15161718192021
22232425262728
2930