Հունգարիայի մայրաքաղաք Բուդապեշտում անցկացվել է Total Chess World Championship Tour-ի կայծակնային մրցաշարը 24 գրոսմայստերների մասնակցությամբ։
9 հնարավորից 7 միավորով հաղթողի կոչումը նվաճել է աշխարհի 16-րդ չեմպիոն, նորվեգացի Մագնուս Կարլսենը։
Երկրորդ տեղում է ֆրանսիացի Մաքսիմ Վաշիե-Լագրավը՝ 6,5 միավոր։ Հայաստանի հավաքականի նախկին առաջատար Լեւոն Արոնյանը (ԱՄՆ) երրորդն է՝ 6 միավոր։
Հայաստանի ներկայացուցիչ Հայկ Մարտիրոսյանը 4,5 միավորով բաժանել է 11-15-րդ տեղերը։
Նոյեմբերի 11-15-ը շախմատիստները պայքարը կշարունակեն խմբային փուլում։ Ըստ որի արդյունքների կձեւավորվեն նոկաուտ փուլի զույգերը։
Նոյեմբերի 17-20-ը կանցկացվի եզրափակիչ փուլը օլիմպիական մրցակարգով․ ամեն շրջանում պարտվողը դուրս կմնա պայքարից։
